وصفات سهلة لتنعيم الشعر
الستات فى الهند يتمتعون بشعر قوى وطويل زى الحرير بيكونو من الستات المميزين فى العالم بالشعر الطويل الصحى ودا اللى كلنا بنشوفوا فى الافلام والمسلسلات الهندية وكتير مننا بيسأل هى الستات دى بتعمل اية فى شعرها عشان يبقى بالجمال والقوة والنعومة دى طب بيستعملوا اية ؟ عشان الشعر يوصل للنتيجة الهايلة دى والاجابة على كل الاسئلة بسيطة جدا هنعرضها بتفصيل عليكم بس لازم نمشى صح ونسيب الكلام اللى بيتقال على جنب ونفهم كويس الكلام اللى هنشرحة لحضراتكم .
اول حاجة
الست فى الهند مش بتغسل شعرها بصفة مستمرة كل يوم ممكن مرة او مرتين فى الاسبوع كلة بخلاف ان الزيوت الطبيعة اللى بيتم استخدمها بتحمى الشعر من عوامل البيئة المتغيرة اللى بتضر الشعر زى الشمس والهوا الجاف والتراب والدخان وغيرها
ولو جربتى انك متغسليش شعرك كل يوم هتبدائى تلاحظى تحسن وفرق كبير بيحصل زى النعومة واللمعان
الحاجة التانية
قللى من استخدام السيشوار من الاحسن انك تسيبى شعرك يجف لوحدة وبكدة بتحمى شعرك من التقصف والتلف وبتقللى كمان من الخشونة ومن الافضل ترك الشعر يجف من غير استعمال السيشوار
الحاجة الثالثة
من الافضل استعمال المشط الخشبى بدل من البلاستيك ؟ اية السبب ان كل المنتجات الخشبية بتحافظ على جمال ونعومة شعرك لانها من الطبيعة خلاف المواد المصنعة من البلاستيك
الحاجة الرابعة
استعمال المكملات الغذائية لشعرك عشان يفضل ناعم وقوى وصحى وممكن استعمال الفيتامينات المختلفة بالاضافة الى حمض الفلوليك والزنك
الحاجة الخامسة
سؤ التغذية زى تناول كمية كبيرة من البطاطس المقلية والبرجر وكل الوجبات السريعة دى بتضمر الشعر على المدى البعيد طب
السؤال هنا طب نأكل اية يكون صحى الخضروات والاسماك والمكسرات مفيدين جدا للشعر
الحاجة السادسة
الستات فى الهند بيستخدموا زيت جوز الهند للعناية بشعر ودا بيتم قبل غسيل الشعر وطريقة دى بتكون عبارة عن قناع للشعر لحمايتة وبتخلية اكتر نعومة وقوة
الحاجة السابعة
استعملى نوع شامبوا يكون كويس جدا وموناسب لشعرك ودا من اهم الاسرار فى الهند بشرط انه يكون بيحتوى على مكونات طبيعية عشان يحافظ على الشعر ويفضل طويل وناعم وممكن تضيفى مع الشامبوا قطرات من زيت الزيتون ودا بيدى الشعر حيوية اكتر
افضل وصفتان فى الهند لتنعيم الشعر الخشن
الوصفة الاولى
مكونات الوصفة : حلبة - حليب جوز الهند
الحلبة من اهم العناصر اللى بيتم استخدمها فى الهند للعناية بالشعر لانها علاج طبيعي وحل لجميع مشاكل الشعر زى القشرة وسقوط الشعر دا غير انها بتضيف له نعومة وحيوية ولمعان وبتحتوى الحلبة على بروتين بيساعد على نمو الشعر
مقادير الوصفة
2 معلقة كبيرة من الحلبة الحصى
2 معلقة كبيرة من حليب جوز الهند
كمية بسيطة من المياة
التحضير
تضعى الحلبة فى المياة طول الليل
فى الصباح يتم طحن الحلبة جيدا ويضاف لها بعد الطحن حليب جوز الهند وتقومى بخلط الحليب مع الحلبة المطحونة
بعد الانتهاء تقومى بوضع الخليط على فروة الراس مع التدليك
يغطى الشعر لمدة تصل الى 45 دقيقة
ثم يتم غسل الشعر بالشامبو
ويتم فعل هذة الوصفة مرتين فى الشهر
الوصفة التانية
مكونات الوصفة : زيت السمسم وحليب جوز الهند والمياة المعدنية
يكتسب زيت السمسم على العديد والعديد من الفيتامينات زى فيتامين B,E والمعادن زى الكالسيوم والفسفور والبروتين
والزيت دا تم تخصيصة للشعر الخشن والجاف لانة بيعمل على اصلاح الشعر التالف والوصفة دى عبارة عن بلسم طبيعى لنعومة الشعر
مقادير الوصفة
2 معلقة كبيرة من زيت السمسم
2 معلقة كبيرة من حليب جوز الهند
1 كوب مياة معدنية
التحضير
بخاخة فاضية يتم وضع المية المعدنية فيها ويضاف لها زيت السمسم وحليب جوز الهند ويتم الرج جيد ا
بعد العسيل الشعر يتم رش التركيبة مع التدليك باطراف الصوابع لخصلات الشعر
وبعد يترك الشعر مدة كافية ثم يمشط ويصفف كالمعتاد
ملحوظة
لا يتم رش كمية كبيرة من التركيبة ويتم حفظ التركيبة فى الثلاجة للاستخدام مرة اخرى
تعليقات
إرسال تعليق